咁多位哥哥姐姐, 早晨啦~~ 又係我Oreo 呀^^ 主席哥哥話我太受歡迎, 所以叫我繼續替小編姐姐代筆~~ 汪汪! (小編姐姐望實我, 媽媽! 我好驚呀~~ )
汪汪~ 星期日(2019年1月13日) , 我同媽媽, 爸爸, 妹妹Hazel 同埋保信慈善基金嘅一班哥哥姐姐一齊參加SAA Walkathon 2019, 真係好開心呀^^
雖然嗰日天氣涼涼地, 但係我地反而行得好舒服, 唔洗咁熱; 我同Hazel重見到好多好靚又可愛嘅狗狗朋友, 聽講呢~ Hazel 好似重識佐隻好有型嘅狗公子添呀.... 汪!
有好多愛狗嘅明星哥哥姐姐, 佢地真係好有愛心呀(心心眼)
我同Hazel 重攞佐好多紀念品返屋企, 當然唔少得有表揚狀啦^^
爸爸媽媽, 小編姐姐, 我地下年可唔可以再參加依個咁有意義嘅步行籌款活動呀?
Comments